XOG: Madaxtooyada Puntland oo wasiiradeeda ku amartay hortagida baarlamaanka, xili cadaadisyo badan haystaan.

Madaxweynaha Puntland Siciid Deni ayaa ku amray golihiisa Wasiiradda kahor intii uusan ka dhoofin Garoowe labo todobaad ka hor, in ay diyaarsadaan waxyaabaha u qabsoomay mudadii ay xaafiisyada joogeen ee ahayd 10kii bilood ee lasoo dhaafay, taasian waa id kamid ah arrimaha ay Madaxyooyadu doonayso in ay ku qariso dhaliilaha mucaaradkeedu u jeediyaan.

Madaxtooyada Puntland ayaa dhamaadkii bisha October duulaan ku qaaday baarlamaanka, si Gudoonka golaha loo ceyriyo loona fuliyo damaca Xukuumadda, xili isla xisaabtam xoog badan uga imaanayay xagga baarlamaanka.

Xildhibaanada oo ku dhiiranaa in ay la xisaabtamaan Xukuumadda ayaa badankooda hadda hanjabay, waxayna badankood go`aansadeen in ay difaacaan howlaha Xukuumadda oo ay wax badan kaga xiran yihiin.

Madaxweyne kuxigeenka Puntland Axmed Karaash ayaa Khamiistii lasoo dhaafay ku amray golaha Wasiiradda in ay diyaarsadaan waxqabadkooda oo ay hortagaan baarlamaanka si wax looga weydiiyo, isagoo fulinaya amarkii Madaxweynaha.

Wasiiradda Xukuumadda ayaa qaarkood sheegay in ay diyaar u yihiin in ay hortagaan xildhibaanada oo ay ka jeediyeen wixii uqabsoomay, qaarkoodna waxay welwel ka qabaan su`aalaha fara badan ee uga imaanaya dhinaca xildhibaanada.

Dadka la socda siyaasadda ayaa rumeysan in saluugmada xooga badan ee laga qabo hanaanka Hoggaamined ee Madaxweynaha Puntland Siciid Deni ay Madaxtooyadu doonayso in ay ku jeediso la xisaabtamka golaha wasiiradda.

Sidaas oo kale bilowga sannadka cusub ee 2020-ka ayay doonaysaa Madaxtooyada in ay isbedel ku sameyso golaha Wasiiradda, waxaana laga eegi doonaa waxqabadka Wasiiradda iyo kuxigeenadooda hadaljedintooda baarlamaanka.

Madaxtooyada ayaa dad kala duwan oo ku dhaliilay waxqabad xumo iyo siyaasadeeda kuwajahan dalka Imaaraatka Carabta ku xirtay magaalada Boosaaso, waxaana ay sheegtay in ay gacan bir ah ku qaban doonto mucaaradka kasoo horjeeda, iyadoo ku jirtay mudo xileedkeedii ugu horeeyey ayay la kulmaysaa mucaarad xoog leh.

Untitled Document

Ka dhageyso Muxaadaro cusub TEL 001 6057813292

UK TEL 03306060934

 

LEAVE A REPLY

Please enter your comment!
Please enter your name here