XOG: DFS oo go’aan ka qaadatay in Jidadka loo xiro soo dhaweynta wasiiro Itoobiyaan ah

Magaalada Muqdisho ee Caasimadda dalka Soomaaliya ayaa waxaa lagu wadaa inay soo gaaraan Wafdi ka socda dowladda Itoobiya, kuwaasi oo saacadaha soo socda Safar booqasho ah ku imaanaya Magaalada.

Wafdigan ka socda Itoobiya ee imaanaya Magaalada Muqdisho ayaa ka kooban ku dhawaad 10 Wasiir oo ka tirsan Xukuumadda Ra’iisul Wasaare Abiy Ahmed.

Sidoo kale Wafdigaan ayaa warar la helayo waxaa ay sheegayaan in maalinta berri ah ay imaan doonaan Muqdisho, waxaana Ujeedkoodka uu yahay sidii ay u dardar gelin lahaayeen qodobadii ay dowladda Soomaaliya iyo Itoobiya ay ku heshiiyeen Sanadkii hore.

Ra’iisul Wasaaraha Itoobiya Abiy Ahmed oo sanadkii 2018 booqasho rasmi ah ku yimid Magaalada Muqdisho ayaa xiligaas kulan uu la qaatay Madaxweyne Maxamed Cabdullaahi Farmaajo, waxaa labada dhinac ay ku heshiiyeen in la fuliyo qodobo muhiim ah, kuwaasi oo lagu dardar gelinayo xariirka u dhexeeysa Soomaaliya iyo Itoobiya.

Dhinaca kale, warar xog ogaal ah ayaa sheegaya in madaxda ay go’aan ku gaareen in waddooyinka aanan loo xiri doonin wafuudan, isla markaana iyaga oo jidadku furan yihiin loo galbin doono Madaxtooyadda.

Untitled Document

Ka dhageyso Muxaadaro cusub TEL 001 6057813292

UK TEL 03306060934

 

LEAVE A REPLY

Please enter your comment!
Please enter your name here