Wararkii ugu dambeeyay ee doorashada HirShabelle iyo musharaxiin la diiwaangeliyay

Jowhar (Warkii.com) – Magaalada Jowhar ee caasimada dowlada goboleedka HirShabelle ayaa waxaa ka bilaabatay diiwaangelinta musharaxiinta Xildhibaanada Aqalka Sare ku metalaya maamulkaas.

Guddiga doorashooyinka heer dowlad goboleed ee HirShabelle ayaa maanta diiwaan-geliyay ilaa dhowr musharax oo uu kamid yahay Senator Cusmaan Maxamuud Dufle oo asagu afartii sano ee lasoo dhaafat ku fadhiyay Aqalka Sare.

Waxaa xusid mudan in dadka la tartamaya Dufle uu kamid yahay Maxamuud Axmed Nuur Tarsan oo ah Safiirka Kenya ee Soomaaliya.

Diiwaan-gelinta Musharaxiinta ayaa la soo gaba-gabeyn doona maalinta Sabtida, sida uu sheegay Guddiga doorashooyinka heer dowlad goboleed ee HirShabelle.

Doorashada kuraasta Aqalka Sare ee maamulka HirShabelle ayaa dhici doonta maalinta Isniinta oo taariikhdu ku beegan tahay 13-ka bishaan 9-aad.


Source: warkii.com