Deegaanada Somaliland ayaa waxa lagu dilay 58 qof sanadkan aynu ku jirno gudihiisa, sida uu shaaciyey Taliska guud ee ciidamada Somaliland oo ka warbixinayay dilalkii u dambeeyay ee ka dhacay gudaha Somaliland.

Ku-xigeenka hoggaanka hawl-gelinta ciidanka Booliska, gaashaanle dhexe Cabdicasiis Sheekh Ismaaciil Sheekh Xasan oo warbixin ka jeediyay munaasibad lagu xusayay sanad guuradii 27-aad ee kasoo wareegtay aas-aaska ciidanka Booliska Somaliland, ayaa sheegay in dilalkaasi qaarkood loo hayo gacan ku dhiiglayaal ku eedeysan

Waxa uu xusay in ciidanka Boolisku gacanta ku dhigeen eedaysan.ayaashii ugu badnaa ee loo tirinayey inay ku lug lahaayeen dambiyadii dalka ka dhacay oo ay dilalka dadka iyo kufsigu safka hore kaga jiraan.

Gaashaanlaha ayaa sidoo kale sheegay in deegaanada Somaliland ay ka dhaceen falal badan oo la xiriira tacadiga jinsiga, kuwaasi oo tiradooda uu ku sheegay 161-kiis oo Kufsi ah, oo loo hayo 140 eedeysane oo kala duwan.

Somaliland ayaa inta badan lagu tiriyaa maamulada ugu amniga wanaagsan Soomaaliya, iyada oo walaac cusub ay abuurayso in muddo ku siman toban bilood ay gudaha deeganadaasi ka dhacaan dilal ku dhow Lixdan qof, inta la ogyahay.

 

LEAVE A REPLY

Please enter your comment!
Please enter your name here