Askari Kenyaan Ah Oo Arin Halis Naftiisa Ku Ah Kala Kulmay Soomaliya

hellada Askari 30 jir ah oo ka tirsanaa Ciidanka Difaaca Kenya islamarkaana ku waashay dagaalka Soomaaliya ayaa sheegay in ay caddaalad dalbanayaan

Qoyska Askariga ayaa sheegay in Ciidanka Kenya saraakiisha ugu sarreysa ay dayaceen wiilkooda islamarkaana uu jidadka Nairobi bacaha ka ururiyo hadda.

John Njoroge, oo 30 jir ah ayaa waxaa uu Shahaaddada A- ka keenay imtixaanaadka dugsiga sare ee Kenya sanadkii 2014kii,waxaana uu ku biiray Milatariga Kenya kaddib tababar ciidan oo uu qaatay.

Sanadkii 2016kii ayaa waxaa uu ka mid noqday Ciidamada Kenya ee loo qaaday Soomaaliya,waxaana uu ka mid noqday Askartii ka badbaadday weerarkii Kulbiyow oo lagu dilay 68 Askari oo saaxiibadii ahaa sida ay sheegtay dowladda Kenya.

Askarigan ayaa isaga oo maskaxiyan wareeray waxaa dib loogu celiyay qoyskiisa,waxaana dhowr jeer loo sheegay in uu nasiino u baahanyahay.

Markii uu ku laabtay Gurigiisa ayuu jejebiyay 12 Dhalo, alaabo kale oo Guriga yaallay,waxaa uu sidoo kale dil ugu hanjabay xaaskiisa oo hal cunug u heysa, hayeeshee isaga carartay.

Waxaa ay Qoysku geeyeen saldhig Boolis si halkaas loogu daryeelo, waxaana markii dambe la sheegay in uu caafimaaday hayeeshee waxaa lagu arkay isaga oo hal kab wata magaalada Nairobina bacaha ka ururinaya.

Qof yaqaannay ayaa la wadaagay Qoyskiisa in wiilkooda oo Bacaha ka ururiyo waddooyinka Nairobi,halkaas markii ay ka soo wateen ayey geeyeen xarun Militariga Kenya leeyahay,waxaana ay weydiiyeen xuquuqdiisii iyo daryeelkiisii halka uu ku maqanyahay.

Sarkaalkii heystay taliska Milatariga Kenya ee ay u tageen Qoyska ayaa sheegay in heshiiskii uu WIilkooda uga midka ahaa Ciidanka difaaca Kenya la baabi’iyay mar hore islamarkaana uusan ku jirin diiwaanka Ciidamada difaaca Kenya.

Hooyada dhashay Askarigaas oo lagu magacaabo Joyce Wangari, ayaa sheegtay in noloshooda ay ku tiirsaneyd wiilkaas hayeeshee hadda aysan waxba heysan.

Waxaa ay caddaalad weydiisatay Dowladda Kenya oo ay sheegtay in wiilkeeda ay geeyeen Soomaaliya halkaas oo uu ka soo qaaday Xanuunka Dhimirka kaddib markii uu ka badbaaday dagaal ay ku dhinteen inta badan saaxiibadiis.

Untitled Document

Ka dhageyso Muxaadaro cusub TEL 001 6057813292

UK TEL 03306060934

 

LEAVE A REPLY

Please enter your comment!
Please enter your name here