Taliyaha Asluubta “Ciidan aan Boolis aheyn kama hawlgeli karaan Muqdisho”

0

Taliyaha Ciidamada Asluubta Soomaaliya Gen. Bashiir Maxamed Jaamac (Bashiir Goobe) Ayaa Sheegay Qorshaha Inuu Yahay In Guddiga Amniga Ay Fariistaan, Lana Go’aamiyo Dhammaan Shaqooyinka Amniga Magaalada Muqdisho In Lagu Wareejiyo Ciidamada Booliska.

Hadalkan Ayaa Gen. Bashiir Wuxuu Ka Sheegay Barnaamij Loogu Magac Daray Baro Booliis-Kaaga, Kaasi Oo Looga Hadlayay Sidii Ay U Wada Shaqeyn Lahaayeen Ciidamada Booliska Iyo Shacabka  Muqdisho.

Wuxuu Sheegay Taliyaha Asluubta In Magaalada Gudaheeda Ay Mamnuuc Ka Tahay Ciidan Aan Boolis Aheyn Oo Ka Shaqeynaya, Hadii Uusan U Yeeran Taliyaha Ciidanka Booliska Soomaaliya Gen. Bashiir Cabdi Maxamed.

Sidoo Kale Gen. Bashiir Goobe Ayaa Sheegay Inay Muhiim Tahay In Shaqada Magaalada Lagu Aamino Ciidamada Booliska, Islamarkaana Ciidamada Kale Looga Baahan Yahay Inay Garab Ku Siiyaan Shaqada.

“Guddiga Amniga Qaranka Inta Fariisto, Lana Go’aamiyo Dhammaan Shaqooyinka Magaalada In Lagu Wareejiyo Ciidamada Booliska Ayuu Qorshaha Yahay, Magaalada Gudaheeda Waxaa Mamnuuc Ka Ah Ciidan Aan Boolis Aheyn Oo Ka Shaqeynaya, Hadii Uusan U Yeeran Taliyaha Ciidanka Booliska, Shaqada Magaalada Waa In Lagu Aaminaa Booliska.” Ayuu Yiri Taliye Bashiir Maxamed Jaamac.

Amniga Magaalada Muqdisho Ayaa Hada Waxaa Ka Shaqeeya Ciidanka Loogu Magac Daray Boolis Millataria, Kuwaasi Oo Dhawaan La Hawlgeliyay, Kadib Markii La Xareeyay Ciidankii Xasilinta Ee Sugi Jiray Ammaanka.

Untitled Document

ka Dhageyso War Dag Dag Ah Mobile-kaada

TEL 001 7127755624 USA 7127755624

LEAVE A REPLY

Please enter your comment!
Please enter your name here